الجوازه التانيه كاملة بقلم إيمان شلبي

بالعياط
حد اشتكالك انا راضي بكده راضي
اعيش معاكي وانتي كده
عيطت وانا بقوله بعصبيه
انا واحده مش هقدر اتحمل مسؤوليه نفسي ازاي عايزني اتحمل مسؤوليه بيت وزوج وعيال وانا و وانا
ضغطت علي ايدي وغمضت عيني بقوه وانا بكمل بهمس 
وانا عاميه
انا معاكي ه هفضل معاكي صدقيني مش هسيبك لحظه 
ارجوكي يارهف كفايه بقي عشان خاطر ربنا كفايه اللي بتعمليه فيا انا مش عايز عينك ولا عايز شكلك ولا عايز اي حاجه انا عايزك انتي عايز روحك وقلبك اللي بيسيعني عايز حبك افتحي يارهف افتحي ياحبيبتي
قومت وقفت وانا بحسس علي الباب عشان اقدر افتحه
غمضت عيني وانا بمسك في قميصه وبدفن راسي في صدره وبعيط بحرقه
ضمني لقلبه وهو بيهمس بحنان 
هششش وغلاوتي عندك متعيطيش انا عايزك زي مانتي وبحبك زي مانتي
ليه بتعذبيني وټعذبي نفسك ليه!
رديت بعياط 
مش هقدر اتحمل مسؤوليه نفسي ولا 
قاطعني بهدوء 
هتقدري لاني مش هسيبك ولا لحظه وهنلف علي اكبر دكاتره ونظرك هيرجعلك باذن الله
سندت راسي علي صدره وانا بهمس بتوسل 
يااارب يارب 
رهف
انا كنت عايز اتكلم معاكي في موضوع
قلبي اتنفض من نبره صوته اللي كانت كلها خوف وتوتر
بلعت ريقي ورديت بتوتر 
ا اتكلم 
انا احم ا انا عايز
سكت لحظه يحاول يجمع كلامه وفي اللحظه دي اتجمع في عقلي الف سيناريو وسيناريو كلهم اسوء من بعض
حاولت أوصله وامسك أيده وانا بسأل بړعب 
ا انت ايه يازين ا اتكلم
ضغط علي ايدي ورد بهدوء 
انا عايز اكون اب
سيبت أيده كرد تلقائي مني وعيوني لمعت بالدموع وانا بهمس 
ت تكون اب
مسك ايدي تاني ورد بتوسل
ايوه يارهف
نفسي اجيب منك حته عيل نفسي اسمع كلمه بابا وانتي كمان اكيد نفسك
الجوازة التانية بقلم إيمان شلبي
تكوني ام و 
قاطعته بجمود 
بس انا مش عايزه اخلف 
يعني ايه 
يعني زي ما سمعت يازين انا مش عايزه اخلف 
بس انا عايز اكون اب 
تمام وانا مش هقدر اكون ام 
رهف لو لو علي حالتك يعني انا موجود وممكن كمان نجيب مربيه تعيش معاكي وتربي البيبي و 
رديت بصوت مخڼوق بالعياط 
لا يازين لا مش عايزه اخلف 
بس 
لو عايز تخلف روح اتجوز
رد پصدمه 
انتي بتقولي ايه انتي مجنونه 
لا مش مجنونه انت من حقك تبقي اب و 
قاطعني بهدوء وهو بيشبك صوابعه في صوابعي 
انا عايز ابقي اب بس منك انتي مش من حد تاني 
وانا كمان نفسي ابقى ام بس حط نفسك مكاني 
تخيل حامل واشيل مسؤوليه بيت وزوج
وطفل لازم احافظ
عليه صدقني يازين صدقني مش هقدر اعمل كده ابدا وانا مش بشوف
البيبي ده لما أولده هيبقي عايز رعايه هيبقي عايز حد يفضل معاه طول الوقت وده مسؤوليه الام وطول مانا مش قادره اراعي نفسي مش هقدر اراعي ابني أو بنتي ولو حد فيهم حصله حاجه وقع اټعور اكل حاجه مش هقدر اشوفه ولا امنعه ولا هقدر حتي أنقذه وقتها هفضل الوم في نفسي وعمري ما هسامحها ابدا
حبيبتي انا قولتلك هبقي معاكي مش هسيبك لحظه وهنجيب مربيه للبيبي كمان تفضل معاكم علي طول
مش هقدر اثق في أي حد يازين مش هقدر اشوف ابني أو بنتي حد تاني بيرعاهم وبيحبوه اكتر مني صعب اوي صعب صدقني
اتنهد بحيره
طب والحل
بلعت ريقي وانا بضغط علي ايدي ورديت بصوت مخڼوق بالدموع 
انك تتجوز وتخلف يازين ده حقك 
رهف
انتي ملاحظه انتي بتقولي ايه 
ايوه ملاحظه انا مقولتش حاجه غلط انا انا 
انتي مش بتحبيني
رديت بلهفه 
لا طبعا بحبك
رد بسخريه 
لا واضح واضح اوي الحب
قال كلامه وحسيت من خطواته أنه بيبعد عني وفعلا اتأكدت حواسي لما سمعت صوت باب الشقه بيترزع
الو ايوه ياماما 
مالك صوتك يارهف أنتي معيطه
حاولت اتكلم بصوت طبيعي 
لا لا ياحبيبتي انا كويسه انتوا عاملين ايه 
لا انتي مش كويسه انتي صوتك معيط
ضغطت علي شفايفي وانا بحاول منفجرش من العياط
مفيش حاجه انا تعبانه شويه بس
ردت بشك
زين مزعلك يارهف قوليلي يابنتي
انا امك يمكن نقدر نوصل لحصل
اتنهدت وانا بقولها بحزن 
لا ياماما انا اللي مزعله زين 
ليه ايه اللي حصل 
زين عايز
يبقي اب 
طيب وايه المشكله من حقه!
بس انا مش عايزه اخلف 
ليه يابنتي مش عايزه تشوفيلك حته عيل ويقولك ياماما
ضحكت بسخرية 
اشوف!
سكتت لحظه وبعدها ردت بتوتر 
احم ر رهف حبيبتي م مش معني أن حصلك ظروف ا أنك متبقيش عايزه تخلفي ياما ناس مش بتشوف مخلفه مره واتنين وتلاته وبعدين ده وضع مؤقت
عيطت وانا برد عليها بحسره
ايوه بس انا ا انا عايزه اشوف كل حاجه عايز اعيش كل لحظه وأشوف تفاصيل البيبي وهو بيكبر في بطني وقدام عيني ع عايزه اشوفه اول ما يتولد عايزه اعيش معاه كل تفصيله لما يكبر لما يضحك لما يبصلي ببراءه من حقي انا كمان اعيش معاه تفاصيل حياته وهو قدام عيني!
انتي بتكلمي مين ياوليه
ده كان صوت بابا اللي دخل البيت علي غفله وماما بتكلمني
هه
د ده ده
خطڤ منها الفون بعصبيه وهو بيقولوا من غير ما يقفل
الجوازة التانية بقلم إيمان شلبي
الخط 
هو انا مش قولتلك متكلميش البت دي تاني خلاص بنتك ماټت من اللحظه اللي قررت تعصي أوامر ابوها ومتطلقتش من الحقېر اللي اسمه زين اللي خدعنا
ماما بعصبيه
يا اخي حرام عليك مش مكفيك اللي عملته فيهم زمان مش مكفيك انك فرقتهم وجوزتها واحد مش بتحبه صايع وبيشرب ممنوعات وبيخونها واتطلقت واللي رايح واللي جاي بقي يتكلم
عنها حرام عليك انت عايز اي تاني ما الواد سافر واشتغل وبقي راجل ملو هدومه ويقدر يعيش بنتك في مستوي كويس ليه عايز تفرق قلوبهم تاني انت ايه يا اخي قلبك ده ايه حجر 
ومع كل كلمه كانت ماما بتقولها كنت بعيط بصوت مكتوم لحد ما الخط اتقطع وهما بيتخانقوا
حطيت ايدي علي قلبي وفضلت أعيط لحد ما صوت عياطي غطي علي الأوضه اللي كنت قاعده فيها
وفجأه
سمعت صوت الباب بيتفتح قومت اتنفضت من مكاني پخوف وانا بلف حوالين نفسي
مين مين
رد بجمود 
هيكون مين يعني
غمضت عيني براحه وقعدت مكاني من غير ما انطق حرف
انتي كنتي بټعيطي 
هزيت راسي بنفي وانا بمسح دموعي بسرعه 
لا
حسيت بيه وهو بيقرب مني وقعد جنبي علي الكنبه ومسك وشي وقال بهدوء 
اومال اي الدموع دي 
ا انا كويسه مفيش حاجه
سند ظهره علي الكنبه وشدني لصدره وهو بيطبطب علي راسي برقه 
ممكن تنسي اللي حصل وكأننا متكلمناش فيه وتقولي مالك
حاوطت وسطه وانا بسند راسي علي صدره وبقول بهمس 
انا بحبك
وانا كمان بحبك بس برضو مالك
ا انا اسفه اني زعلتك وقولتلك روح اتجوز غيري انت اكتر واحد عارف أنه مش سهل عليا اقولك كده بس بس انت كمان
من حقك تبقي اب وانا من حقي ارفض لأسباب قولتلك جزء منها
اتنهد تنهيده طويله وهو بيطبطب علي راسي 
طب خلاص كفايه كلام في الموضوع ده النهارده وسيبي كل حاجه علي ربنا
هزيت راسي من غير ما انطق حرف
وغمضت عيني ونمت وانا مقرره اني محكيش اللي حصل بين ماما وبابا لاني عارفه أنه هيتضايق وممكن يقول كلام مش كويس عن بابا وانا
مهما اللي بابا عمله اكيد مش هسمحله يقول عنه حاجه لانه في الاول وفي الاخر ابويا!
بعد مرور شهر
ممكن
افهم انتي بټعيطي ليه دلوقتي 
عيطت اكتر وانا بحط وشي بين ايديا
عشان انا حامل
سكت لحظه وبعدها رد ببلاهه
يعني دي دموع فرحه ولا حزن ولا اي بالظبط 
الاتنين 
اصلا !
ايوه انا
فرحانه اني حامل